EN

Er gwaethaf deng mlynedd o brofiad mewn Manwerthu, a nifer o sgiliau trosglwyddadwy, roedd Charlie* yn tan-werthu ei hun drwy wneud cais am swyddi lefel mynediad yn unig. Sylwodd ei Hyfforddwr Swyddi Serco, Elliot, yn gyflym fod CV Charlie yn rhy wylaidd a bod angen iddo dynnu sylw at ei sgiliau cyfathrebu gwych a'i brofiad goruchwylio a ddatblygwyd diolch i waith llanw mewn chwaer-siopau.

Gyda’i gilydd, cytunwyd bod Charlie yn fwy nag abl i sicrhau rôl Arweinydd Tîm neu Oruchwyliwr ac ail-ysgrifennodd ei CV a’i Lythyr Eglurhaol i adlewyrchu ei brofiad a'i lwyddiannau rheoli yn well. Cynigiodd sawl siop yng Nghaerdydd gyfweliad iddo a derbyniodd Charlie rôl Goruchwyliwr mewn siop a oedd yn arbenigo mewn anrhegion a theclynnau i ddynion. Pan ofynnwyd iddo beth oedd ei farn am y cynllun, dywedodd Charlie:

“Mae fy mhrofiad gyda’r Cynllun Ailgychwyn wedi bod yn bositif am sawl rheswm. Soniodd Elliot wrtha i am fy sgiliau trosglwyddadwy a oedd yn ddefnyddiol oherwydd rhoddodd yr hyder i fi wneud cais am rolau roeddwn yn arfer meddwl nad oedd gen i’r profiad ar eu cyfer. Yn ein cyfarfod cyntaf fe wnaethom dreulio awr yn trafod beth oedd fy amcanion a sut gallwn eu cyflawni, a gwnaeth hynny wahaniaeth go iawn.”

*Ffugenw