Roedd Courtney yn gobeithio na fyddai’n teimlo’n waeth na'r adeg pan roedd diweithdra wedi golygu ei bod yn rhaid iddi roi’r gorau i’w fflat yng Nghaerdydd a symud i atig rhiant ei chariad ym Merthyr. Ond yna daeth y Pandemig gan ei chadw draw oddi wrth ei theulu a’i ffrindiau a oedd mewn sir arall, ac roedd y cyfan yn golygu ei bod yn gorfod defnyddio ei chynilion i gyd. Roedd hi’n amheus a dweud y lleiaf; ond camodd y Cynllun Ailddechrau i’r adwy i roi tro ar fyd. 

Fel un o’r Cyfranogwyr cyntaf ym Merthyr, Courtney oedd cleient cyntaf Michelle Morgan, Hyfforddwr Swydd o bartner cyflenwi Serco, PeoplePlus. Roedd y ddwy yn gyrru ymlaen yn dda o’r cychwyn cyntaf a chafodd Michelle wybod bod ar Courtney eisiau gyrfa fel Cynorthwyydd Gweinyddol.

Drwy lwc, roedd yn rôl roedd PeoplePlus yn ceisio’i llenwi ei hun. Ac wrth gwrs, llwyddodd Courtney i gael y swydd. 

Mae’n dweud, “Wrth edrych yn ôl, fe ddylwn i fod wedi prynu tocyn loteri ar ddiwrnod y cyfweliad oherwydd doeddwn i ddim yn gallu credu fy lwc!  Un funud roedd popeth yn edrych yn dywyll a’r funud nesaf daeth yr haul drwy’r cymylau, ac roedd dwy flynedd o ddim byd wedi dod i ben. Gallwch chi ddychmygu pa mor frwd ydw i dros y Cynllun Ailddechrau nawr. Roeddwn i’n Gyfranogwr ac erbyn hyn rwy’n gweithio yn PeoplePlus yn helpu i’w roi ar waith. Mae’n dangos ei fod yn gweithio!”